చేర్యాలలో ఘనంగా స్వామి వివేకానంద జన్మదిన వేడుకలు

చేర్యాల: స్వామి వివేకానంద జయంతోత్సవాలు చేర్యాలలో ఘనంగా నిర్వహించారు. మేడ్చల్ జిల్లా చేర్యాలలో స్వామి వివేకానంద జన్మదిన వేడుకలు చేపట్టారు. స్వామి వివేకనందుడికి పూలమాలలు వేసి నివాళులు అర్పించారు. ఈ సందర్భంగా మేడ్చల్ రూరల్ ఓబిసి మొర్చా వైస్ ప్రెసిడెంట్ భీమగాని విజయ్ కుమార్ మాట్లాడుతూ వివేకానందుడిని యువతీ యువకులు ఆదర్శంగా తీసుకోవాలని సూచించారు. భావితరం అంతా యువత మీదే ఉందని, సమయం పోతే తిరిగి రాదని ఆయన అన్నారు. ఈ కార్యక్రమంలో రాష్ట్ర కార్యవర్గసభ్యులు కేబుల్ రవి, జిల్లా కార్యవర్గసభ్యులు మధుసూదన్, రాము, నాగరాజు, ఓంప్రకాష్, తదితరులు పాల్గొన్నారు.