అంబేద్కర్ కు నివాళులర్పించిన జక్కిడి ప్రభాకర్ రెడ్డి

ఎల్బీనగర్: భారత రాజ్యాంగ నిర్మాత డాక్టర్ బి.ఆర్ అంబేద్కర్ వర్ధంతి సందర్భంగా ఎల్బీనగర్ నియోజకవర్గం ఎల్బీనగర్ కూడలిలో ఉన్న అంబేద్కర్ విగ్రహానికి కాంగ్రెస్ పార్టీ ఎల్బీనగర్ నియోజకవర్గం ఇంచార్జి జక్కిడి ప్రభాకర్ రెడ్డి పూలమాలలు వేసి ఘనంగా నివాళులు అర్పించారు. ఈ సందర్భంగా ఆయన మాట్లాడుతూ మహనీయుల జీవిత చరిత్రల గురించి విద్యార్థులకు బోధించాలని సూచించారు. మహనీయుల ఆశయ సాధనకు ప్రతిఒక్కరూ పాటుపడాలని పిలుపునిచ్చారు. ఈ కార్యక్రమంలో లింగోజిగూడ డివిజన్ కార్పొరేటర్ దర్పల్లి రాజశేఖరరెడ్డి, ఉత్సవ కమిటీ సభ్యులు ఆడాల రమేష్, నరసింహారావు తదితరులు పాల్గొన్నారు.